The Solitary Reaper - William Wordsworth

තනි ව නෙළන්නිය

 

බලන්න ඇය, කෙතේ තනි ව ම                                       

ඇය යි කඳුකර තනි මාණවිය!

නෙළයි ගයමින් හුදකලා ව ම;

මෙහි රැඳෙනු, නැතිනම් මෘදු ව පිය තබනු!

තනි ව ඇය රන් කරල් මිටි මැද,

ගයයි ගීයක් සෝක ස්වරයෙන;

සවන් දෙනු! ගැඹුරු මිටියාවත

ඇගේ ස්වරයෙන් පිටාරේ යයි.

 

පංචසිඛගේ මුවින් නො ගැයුණි                                                    

පිළිගැනීමේ ගීතිකාවක්

විඩාපත් වාදක මඩුල්ලට

වැලි කතරේ සෙවණැලි අහඹුවක

විඩා හරිනා සරන්නන් යුත්:

කිසිදු දිනයක සවන් නො ගැටුණි

එබඳු කන්කලු මිහිරි ස්වරයක්

          වසත් කල කෝකිල කුමරුගෙන්;

          සසලවයි නිසසල සයුරු තෙම

ඈත දූපත් වළල්ලෙන් යුත්.

  

ඇගේ ගීයේ අරුත් කිම වෙද

කිසිවෙකුත් මට නො පවසාවි ද?—

ඇතැම්විට ඇය ගයනවා ඇත

දිවි ගඟේ පහළට ගලා ගිය

කම්කටොළු බළ ඇණි ඉකුත් දින:

නොමැතිනම් ඒ ගීය මුහු වෙද

අද දිනත් සුපුරුදු ගැහැට මැද

වින්ද විඳවනු ඇති තැවුල් කැන්

විප්පයෝගී රිදුම් සමඟින?

 

කවර අරුතක් එ ලඳ ගැයුව ද

අනන්ත යි එහි ගෙතෙන පද වැල;

නෙත ගැටුණි අස්වනු නෙළන ඇය,

කැති තලෙන් ඔප වැටුණු වුවනත;--

රසවතෙකි මම නිහඬ නිසසල;

පිය නගින්නෙමි කන්ද මුදුනට,

හදේ වැයෙනා තනුව සඟවන්;

කාලයේ වැලි තලා අතරින්

යළිඳු නෑසුණි ඒ ගීත නද