මිතුරනි,
අ‌පගේ ළබැඳි සොයුරිය
විදෙස්ගත වනවා
දින දෙක තුනකින්,
ඉතින්
අපි අද මේ රැස් වෙලා ඉන්නෙ
ඇයට සුබ පැතීමට යි.
ඔබ සියලු දෙනා ම දන්නවා, මගේ මිතුරනි,
පුෂ්පා මිස් කියන්නෙ හරි ම සුන්දර කාන්තාවක්.
මම මේ කියන්නෙ බාහිර රූපෙ ගැන
විතරක් නෙවෙයි
ඇගේ ඇතුළාන්තයත් හරි සුන්දර යි.
පුෂ්පා මිස් හිනාවුණ ගමන් ම යි
හේතුවක් නැතිවත් ඇය හිනා වෙනවා
මොකද ඇය දන්නවා හැමදේ ම රස විඳින්න.
පුෂ්පා මිස්ගෙ පරම්පරාව
බොහොම ඉහළ පැලැන්තියක්.
ඇගේ පියා කීර්තිමත් නීතීඥයෙක්
බල්සාර්වල හරි සුරාත්වල හරි වෙන්නෝනි,
මට දැන් හරියට ම මතක නෑ කොහෙද කියලා.
සුරාත්වල? ආ, ඔව් ඔව්,
මං එක ම එක සැරයක් සුරාත් ගිහින් තියෙනවා
අපේ මාමණ්ඩිගෙ පරණ හිතවතෙක්ගෙ ගෙදරකට
එතුමගෙ නෝනා හරි ම රසට උයනවා...
ගොඩක් කාලෙකට ඉස්සර ඒ
පුෂ්පා මිස් ගැන කතා කළොත්
එතුමිය හරි ජනප්‍රිය යි
ගෑණු පිරිමි කා අතරත්.
මම ඇයට වැඩක් පවරනෝ...නි වෙලාවක
ඇය කියන්නෙ,
‘මං විනාඩියෙන් කරල දෙන්නම් සර්.’
එතනින් ම පේනවා
ඇගේ යහපත් ගතිගුණ. මම කොයිවෙලෙත්
අගය කළේ යහපත් ගතිගුණ.
පුෂ්පා මිස්ගෙ ශබ්දකෝෂෙ නෑ බෑ නෑ.
මම වෙන්න පුළුවන්
වෙන කවුරුහරි වෙන්න පුළුවන්
අහනෝ...නි දේකට
එතුමිය කිව්වෙ, ‘හා, හරි, මට පුළුවන්,’
එතුමිය අද අපෙන් සමුගන්නවා ඉතින්
ඇගේ අනාගත සුබ සිද්ධියට
අපි ඇයට කියනවා සුබ ගමන්
දැන් මා ආරධනා කර සිටිනවා
අනෙක් අයටත් අදහස් දක්වන ලෙස
ඊට පස්සෙ පුෂ්පා මිස්
සාරාංශය ඉදිරිපත් කරයි.
Comments
Post a Comment